Elvana Gjata, gjatë një bisede me Kryeministrin Edi Rama, në podcastin e tij, ka zbuluar disa fakte që ndoshta nuk i dini.
Përshembull, këngëtarja ka zbuluar që është vegane dhe se sekreti i trupit gjithmonë në fortë janë gatimet e babait të saj. ”Babi më ndihmon dhe gatuan për mua. Ne jemi 90% veganë. Ai 10% konsiston në paaak peshk, kurse mish të kuq jo”, tregoi këngëtarja.
Gjithashtu ajo ka zbuluar se i pëlqen të dëgjojë artistë si Frank Sinatra, Adele, Beyonce, John Legend etj, ndërsa këngët e preferuara ka baladat.
Elvana bën 90 minuta stërvitje në ditë, 5 herë në javë, dhe ky është një tjetër “sekret” që këngëtarja ka zbuluar në rrëfimin e saj.
E pyetur sepse nuk jep shumë intervista, Gjata ka pohuar se asaj nuk i pëlqen që të flasë dhe të thotë gjëra klishe, gjëra të sforcuara.
Si e nisi rrugëtimin artistik? Këngëtarja pohon se ka shkuar në Pallatin e Kongreseve pa lejen e prindërve.
“Shkova, u regjistrova dhe natën e festivalit u kam thënë mamit dhe babit: ‘Ejani më shikoni se unë këndoj sot’. Natyrisht kisha ndihmën e xhaxhait tim, sepse nuk e dija rrugën për të shkuar në Pallatin e Pionerëve, sepse isha shumë e vogël, 10 vjeç. Ishte një surprizë. Unë fitova çmimin e tretë, rrëfeu këngëtarja, duke shtuar se suportin më të madh e ka pasur nga motra e saj që e ka ushqyer me muzikën.
Discussion about this post