Elvis Kosova, i njohur gjerësisht me nofkën “Vis Kosova”, është arrestuar sot nga shërbimet e policisë gjatë një aksioni në zonën e Palasës. Mësohet se, nga kontrollit i ushtruar, ai është kapur me një armë zjarri pa leje me vete.
Elvis Kosova është një personazh i njohur për strukturat e policisë, por edhe për ndjekësit në rrjetet sociale, ku spikaste për promovimin e makinave luksoze dhe garave të shpejtësisë. Arrestimi i sotëm pason një sërë ngjarjesh të mëparshme ku emri i tij ka qenë në qendër të vëmendjes mediatike dhe hetimore.
Kosova ka qenë më parë i përfshirë në skema mashtrimi me automjete luksoze që kapnin vlerën e qindra mijëra eurove. Po ashtu, garazhi i tij në kryeqytet ka rënë pre e një sulmi me lëndë plasëse tritol. Materialet i kanë kaluar prokurorisë për veprat e mëtejshme penale.
Discussion about this post