Elvis Pupa dhe Luiz Ejlli krijuan një miqësi brenda shtëpisë më të famshme në Shqipëri, “Big Brother VIP 2”, e cila vazhdon të jetë po njësoj edhe jashtë.
Aktori dhe këngëtari janë parë herë pas here së bashku dhe madje mbështesin njëri-tjetrin në projektet e tyre.
Kur u bë e ditur se Visi do të ishte një ndër konkurrentët e “Dancing With The Stars”, Luizi përmes disa postimeve në rrjete sociale u bëri thirrje fansave të tij që t’a mbështesnin aktorin.
Por jo vetëm kaq, pasi që të dy kanë bërë koncerte së bashku. E tani publiku është kuriozë që të dijë nëse do të bëjnë një këngë të dy. Kësaj pyetje i është përgjigjur Pupa gjatë një interviste për emisionin “Shqipëria Live”.
I pyetur nëse ka ndonjë gjë konkrete në lidhje me bashkëpunimin që do të bëjë me fituesin e edicionit të dytë të BB VIP, aktori i dashur për publikun u shpreh:
“Konkrete për momentin jo. Kemi marrë pjesë në disa aktivitete, si koncerte jashtë Shqipërisë. Por avash-avash gjërat e mira ashtu bëhen. Absolutisht që kam dëshirë të kem bashkëpunime, jo vetëm me Luizin por me shumë personazhe të tjerë të famshëm. Por me të kam qejf të jetë një bashkëpunim, ja kam premtuar që në Big Brother”.
Discussion about this post