Presidenti i FSHF-së Armand Duka është emëruar ditën e sotme si zvëvëndës-president i UEFA-s. Një arritje historike duke qenë tashmë numri 2 i qeverisë së futbollit europian. Pas këtij lajmi, ka reaguar edhe skuadra kampione e Shqipërisë, Partizani. Të kuqtë përcjellin urimet e tyre për kreun e futbollit shqiptar dhe i urojnë suksese në detyrën e re.
“Klubi i futbollit Partizani përshëndet zgjedhjen e Presidentit të Federatës Shqiptare të Futbollit z.Armand Duka si Zv.President i UEFA-s. Me votim unanim Komitetit Ekzekutiv i UEFA-s, i ka besuar sot presidentit Duka një tjetër post të rëndësishëm të qeverisë së futbollit Europian.
Për herë të parë në historinë e vet, futbolli shqiptar do të ketë përfaqësuesin e tij në rangjet më të larta drejtuese të Institucionit evropian të futbollit. Partizani dëshiron ti përcjell urimet më të sinqerta presidentit Armando Duka, duke i uruar shumë suksese në detyrën e re. Padyshim ky është një tjetër sukses i madh për futbollin shqiptar”, shkruan klubi.
Discussion about this post