Emërohet drejtori i ri i burgut të Drenovës/ Emri

Burgu i Drenovës ndryshon sërisht drejtorin. Nga muaji mars deri në korrik janë ndryshuar 3 drejtorë.

Arben Xhina është emëruar sot drejtori i ri në IEVP Drenovë, i cili zëvendëson të komanduarin Durim Toska, i cili u emërua në mesin e muajit mars, pas largimit të Altin Gushos. Ky i fundit qëndroi dy vite drejtor në Drenovë deri sa u shkarkua nga ky pozicion.

Arben Xhina ka mbajtur me parë pozicionin e drejtorit të paraburgimit të në drejtorinë vendore të Policisë Elbasan.

Burgu i Drenovës ka më tepër se 420 të burgosur, përfshirë këtu edhe një sektor të burgut të sigurisë së lartë, ku mes të cilëve ka të burgosur me akuza të rënda kriminale.

Numrin më të madh ne kete burg e zënë të paraburgosurit, të cilët akoma nuk kanë një vendim të formës së prerë në gjykatat e vendit.