Kryeministri ka emëruar kreun e ri të tatimeve pas emërimit të Delina Ibrahimajt në postin e ministres së Financave. Sipas vendimit të Këshillit të Ministrave, të firmosur nga kryeministri Rama, Ceno Klosi është emëruar Drejtor i Përgjithshëm i Tatimeve.
Më herët Klosi ka mbajtur postim e drejtimit të Agjencisë Kombëtare të Ujësjellës Kanalizimeve dhe Infrastrukturës së Mbetjeve. Ai njihet si njeri i afërt i ministres së Infrastrukturës, Belinda Balluku, ku shpesh herë është parë në krah të saj.
Madje, Klosi është personi, i cili ka përgatitur dhe firmosur planin strategjik të menaxhimit të mbetjeve në qarkun e Durrësit, ku pak muaj më parë u vendos që Bashkia Durrës të financohej nga buxheti i shtetit për plehrat, pasi kaloi në një krizë mjedisore për shkak të pamundësisë financiare për t’i depozituar në landfill.
