Emigrantët kthehen për të votuar, rritet fluksi në doganën e Kakavijës

Në pikën kufitare të Kakavijës është shënuar një rritje e lëvizjeve.

Gjatë 24 orëve të fundit shërbimet e SPK Kakavijë kanë përpunuar 5.001 shtetas në hyrje-dalje, nga të cilët 3.453 në hyrje dhe 1.548 në dalje, si dhe 1.774 mjete, përkatësisht 1.235 në hyrje dhe 539 në dalje.

Një rritje e fluksit prej rreth 20%. Megjithatë, nuk pritet një fluks i lartë emigrantësh nga kufiri, ndryshe nga zgjedhjet e kaluara, çka mund t’i atribuohet edhe regjistrimit të rreth 8.500 emigrantëve për të dërguar votën me postë.