Pasi kaluan festat e fundvitit pranë familjarëve, emigrantët shqiptarë po rikthehen në vendin ku jetojnë dhe punojnë, por shprehen se janë të zhgënjyer na çmimet e larta dhe shërbimi në Shqipëri. Në prononcime për mediet të gjithë shprehin shqetësimin për çmimin e lartë të ushqimeve. Ata tregojnë se çmimet janë rritur shumë në krahasim me një vit më parë, madje kanë kapur vlerën e çmimeve në vendet më të zhvilluara se Shqipëria. “Ishim gati 7 ditë, çmimet ishin shumë shtrenjtë, si ky vit s’kisha parë ndonjëherë kaq të shtrenjta gjërat. Shumë shtrenjtë, në krahasim me më parë”, u shpreh një qytetar.
Për të tjerë trafiku me të cilin janë përballur rrugëve të atdheut ka lënë një shije jo të mirë. Ndryshe nga herët e kaluara, fatmirësisht këtë herë emigrantët nuk janë duke u përballur me radhë të gjata, pasi masat kufizuese prej pandemisë kanë bërë që numri i emigrantëve këtë vit të jetë më i ulët.
Discussion about this post