Drejtoria e Përgjithshme e Burgjeve në bashkëpunim me Policinë e Shtetit do të shoqërojnë këtë të premte eskortën e Emiliano Shullazit drejt ambienteve të Spitalit Shtetëror Nënë Tereza, ku i dënuari i regjimit të posaçëm 41 biss, do t’i nënshtrohet një ndërhyrje kirurgjikale.
Mësohet se shoqërimi i të dënuarit do të kryhet në orën 10:00 të së premtes nga ambientet e burgut 41 biss drejt spitalit “Nënë Tereza” dhe ku policia do të qëndrojë në gatishmëri, e shoqëruar dhe nga snajperistë.
Rreth dy javë më parë, ai u dërgua me urgjencë drejt një spitali privat në Tiranë ku kreu disa analiza të nevojshme që përcaktonin gjendjen e tij jo të mirë shëndetësore. Shullazi mësohet se është diagnostikuar me një sëmundje të rëndë, e cila mund t’i rrezikojë edhe jetën, shkruan mcn.
Me gjithë insistimin e avokatit që ndërhyrja kirurgjikale ndaj klientit të tij të kryhej në një spital privat, Drejtoria e Burgjeve i ka refuzuar të gjitha opsionet e servirura duke pranuar operimin e Shullazit, në spitalin publik shtetëror.
Fakti që në këtë shoqërim të tij nga forca të shumta policore do të përfshihen edhe snajperistë, lidhet edhe me dyshimet e një atentati apo arratisje të tij.
Discussion about this post