Supermodelja amerikane, Emily Ratajkowski ka pohuar se ishte sulmuar seksualisht në xhirimet e videoklipit për këngën e njohur Blurred Lines. Ratajkowski është parë duke u kthyer në shtëpinë e saj në Neë York, pasi akuzoi këngëtarin Robin Thicke se kishte përfituar duke prekur gjoksin e saj, gjatë xhirimeve të videoklipit “Blured Lines”, ku modelja shfaqej e zhveshur.
31-vjeçarja Ratajkowski, pohon se ylli i R&B, Thicke, tani 44 vjeç, e sulmoi seksualisht në xhirimet e videoklipit tetë vjet më parë, duke e rrethuar nga mbrapa dhe duke i vënë të dyja duart në gjoks. Në atë kohë, dyshja gjendeshin vetëm në setin e xhirimeve dhe modelja ishte e zhveshur në pjesën e sipërme të trupit për videoklipin e bujshëm që ndryshoi si karrierën e saj, ashtu edhe të Thicke, duke u kritikuar për promovimin e dhunimit.
“Nga askund, ndjeva duart e një të panjohuri që më kapnin nga pas gjoksin tim të zhveshur. U largova instinktivisht duke parë Robin Thicke. Ai buzëqeshi i dehur. Unë nuk reagova, jo në të vërtetë, jo si duhet,” shkruan ajo në librin e saj.
Ratajkowski bën akuzën e rëndë në librin e saj të ri “Trupi im”, i cili pritet të dalë në treg muajin tjetër. 44-vjeçari nuk u duk i shqetësuar për skandalin, pasi postoi një video në Instagram teksa shite filmin The Little Mermaid me fëmijët e tij të vegjël në shtëpi.
