Emiriana Sako njihet tashmë si krybashkiakja “më e zonja” për të shpërdoruar fondet publike dhe grantet e huaja, sidomos në tenderët e rindërtimit. Këtë herë Sako ka hapur tenderin 55 milionë lekë me objekt “Mbikëqyrje Riforcimi pallateve me kod gis: 24, 5703, 5414, 6169, 94, 80, 99” (Programi i Rindertimit)”.
Në dokumente bie në sy që tenderi është mbyllur në mungesë konkurrence. Në garë kanë marrë pjesë 8 kompani dhe bëhet fjalë për fazën e dytë, pasi në fazën e parë kanë marrë para nga ky projekt 15 kompani. Ndërkohë, për këtë fazë janë skualifikuar të gjithë operatorëty dhe është shpallur fitues bashkimi i kompanive Margarita Kodra pf & “DRICONS” shpk.
Më saktë, Margarita Kodra konkurron si person fizik dhe gjithmonë bashkëpunon me kompani të tjera për të marrë një pjesë të mirë nga tenderët e bashkive. Por, më shumti ajo njihet për tenderët pa garë që ka marrë nga bashkia Durrës për procesin e rindërtimit. Vetëm për 6 muajt e parë të këtij viti Kodra ka marrë me dhjetëra tenderë, ku 90% i janë dhënë nga Sako për rikonstruksionin e banesave të prekura nga tërmeti. Nga kërkimet e bëra Gijtona.com gjeti se vetëm për 6 muaj Kodra ka marrë 2.2 miliardë lekë tenderë vetëm nga Emirina Sako. Kodra ka marrë tërë këto tenderë edhe pse nuk zotëron asnjë licencë për rindërtim, por kompania e saj merret më së shumti me kolaudim mjetesh.
Tabela më poshtë tregon pagesat e bëra përgjatë këtij viti nga disa bashki për Margarita Kodrën.
Natyrshëm na lind pyetja, pse SPAK nuk i heton këto dhjetëra tenderë në shkelje të ligjit, kur provat janë të dukshme dhe publike?
Edhe kompania që ka bashkëpunuar me Kodrën është gjithashtu, një nga ndërmarrjet që ka përfituara miliona euro na tenderët për rindërtimin. Bëhet fjalë për kompaninë “Dricons” sh.p.k., e cila ka qenë bashkëfituese e tenderit “Mbikëqyrje e punimeve për kontratën/projektin me objekt “Ndërtimi i shtëpive të dëmtuara nga tërmeti i rënë në qarqet Tiranë dhe Durrës në datë 21.09.2019”, me fond limit total 5.344.263 lekë (të reja).
Nga tabelat më poshtë duket fare qartë se edhe kjo kompani ka marrë shumë tenderë gjatë këtij viti. Por ndryshe nga Kodra, “Dricons” sh.p.k., nuk ka përfituar tender nga një bashki, por është e privilegjuar në një gjeografi të gjerë bashkish. Nga këto tenderë, pronarët e “Dricons” kanë futur miliarda euro në xhep. Ndërkohë, rezulton se edhe kjo kompani nuk posedon licencë për objektin që kërkon tenderi. Me pak fjalë Sako la lënë paratë e të pastrehëve në duart e “ujqërve” të tenderëve.
Discussion about this post