Dy tendera abuziv ka mbyllur në një ditë krybashkiakia e Durrësit, Emirana Sako. Bashkia Durrës është renditur në një nga njësitë vendore më problematike sa i përket tenderëve pa garë, por Sakos nuk i bën përshtypje aspak. Përkundrazi këtë herë ka vjedhur 430 milionë lekë nga taksapaguesit përmes tenderëve abuzivë.
Tenderi i parë, kap vlerat 390 milionë lekë për të blerë mjete për largimin e plehrave. Bëhet fjalë për tenderin me numër reference REF-27550-05-05-2022, kohëzgjatja e të cilit është 30 dit. Pra për një muaj kompania fituese do të marrë 390 milionë lekë nga taksat tona për disa mjete. Ndërsa Durrësi vazhdon të jetë i ndotur dhe mbeturinat i shohim vend e pa vend. Pavarësisht se çdo vit bashkia shpenzon miliona lekë me justifikimin se do të pastrojë territorin dhe menaxhojë mbetjet urbane, Durrësi kthehet në një det mbeturinash në sezonin e verës. Prandaj, këtu lindin dyshime pse Sako duhet të shpenzojë 390 milion lekë për pajisje për mbeturina, që në fakt nuk vihen në funksion.
Dokumentet e publikuara japin përgjigje për këtë pyetje dhe lënë të kuptohet se qëllimi i vetëm i këtij tenderi është vjedhja e fondeve. Pasi Sako ka shkelur hapur ligjin dhe ia ka falur kompanisë së njohur edhe më parë për marrjen e projekteve pa garë. Fituese është kompania “ALBANIA MOTOR COMPANY” me administratorë Christos Liasi, Adrian Dulaku. Kjo kompani është denoncuar edhe më parë për tenderët pa garë që ka fituar më së shumti nga Bashkia Tiranë, sa herë që kjo e fundit kishte nevojë për mjete për pastrim, për ujësjellës apo nevoja të tjera. Por, rasti më i përfolur është ai tenderit blerjen e 36 autoambulancave të nivelit A, në vitin 2020. Nga nevoja urgjente për shkak të koronavirusit. Në kohë krize “ALBANIA MOTOR COMPANY” i përlau 2 miliardë lekë pa garë. Në fakt në këtë rast kishim të bënim me fitues të paracaktuar, pasi edhe në vitin 2018 kjo kompani ishte shpallur fituese për tender me objekt të njëjtë, sërish pa garë. Duke qenë se tashmë ishte bërë rrugë, edhe Sako si shokët i fali tenderin 390 milionë lekë pa garë për pajisje që mbeten në magazinë.
Tenderi për uniformat
Sikur e cekëm më lartë Sako ka mbyllur edhe një tjetër tender pa garë, i cili kap vlerat e 37 milionë lekëve. Bëhet fjalë për projektin me numër reference REF-28121-05-10-2022 dhe objekt “Blerje uniforma për Policinë Bashkiake”. Këtë vlerë të lartë, Sako po e hedh për lecka ndërsa ka shkelur ligjin me të dyja këmbët.
Së pari, për këtë tende kanë paraqitur ofertë 4 kompani, por 3 prej tyre janë skualifkuar pa asnjë argument konkret duke lënë në garë pjesëmarrësin Gentian Sadiku. Pra, për këtë tender nuk është zhvilluar një garë, por fituesi është shpallur në shkelje të ligjit të konkurrencës. Shkelje tjetër evidentohet se, Gentian Sadiku ka paraqitur ofertën 37 milionë lekë, oferta më e shtrenjtë nga të gjitha të tjerat. Pasi, dy kompanitë e tjera kanë paraqitur ofertë për kryerjen e shërbimit edhe me 31 milionë lekë. Duke shkelur këtu pikën për fondin limit, ku kërkohet që të merret në konsideratë oferta më e ulët.
Ndërkohë, përzgjedhja e Gentian Sadikut si fitues bie në sy. Pasi Gijotina.com e ka denoncuar më parë për tenderët pa garë që ai merr. Së fundmi më shumë tendera i janë falur nga Bashkia Elbasan dhe ajo Tiranë. Kjo e fundit vetëm dy ditë më parë i dha në shkelje të ligjit projektin 56 milionë lekë për blerje çarçafësh. Ndërsa “Open Data” ka denoncuar se si brenda një muaji Gent Sadiku fitonte dhjetëra tendera pa garë nga e njëjta bashki, ndërsa po të marrim tendera në total për një muaj ai fitonte mbi 20 të tillë/ Gijotina.com/
Discussion about this post