Bashkia e Durrësit ka zhvilluar tenderin e radhës pa garë dhe me vetëm një konkurrent. Nëpërmjet Drejtorisë së Ujësjellësit të Durrësit, është hapur tenderi për përmirësimin dhe mirëmbajtjen e softwerëve.
Kjo procedurë e cila është hapur në datën 8 dhjetor 2021, mban numrin e referencës REF-14317-12-07-2021 dhe ka një fond limit prej 6.988.000 milionë lekë të reja, ose rreth 70 milionë lekë të vjetra. Në këtë tender ka marrë pjesë në garë vetëm një kompani, e cila është KREATX shpk, e cila është shpallur dhe fituese.
Nuk ka munguar edhe flamuri i kuq nga “Open Data”, ku e shoqëron me mbishkrimin mungesë të konkurrencës, një procedurë kjo që lejohet nga ligji, por që mbart risk të madh për abuzim, klientelizëm, paracaktim dhe shpeshherë korrupsion. Kjo është një procedurë tjetër e kryebashkiakes së emëruar Emiriana Sako, me vetëm një konkurrentë, në mënyrë që tenderët të shkojnë për kompanitë që mund të jenë të paracaktuara.
Kujtojmë se vetëm pak ditë më parë, Gijotina.com denoncoi një tjetër tender të bërë nga Bashkia Durrës, ku ishin skualifikuar të gjithë konkurrentët përveç fituesit. Derisa Autoriteti i Konkurrencës nuk do vazhdojë të mbajë sytë mbyllur ndaj këtyre procedura, aq më shumë institucionet që kanë në dorë menaxhimin e taksave të qytetarëve do të zhvillojnë procedura për kompani klienteliste.
Gijotina.com
Discussion about this post