Bashkia Durrës vazhdon të mbajë rekord, pas asaj të Tiranës, për numrin e lartë të tenderëve pa garë që zhvillon çdo muaj. Sako është denoncuar disa herë për abuzimet me tenderët, sidomos ato të procesit të rindërtimit, por deri më sot nuk është marrë asnjë masë ndaj saj. Kështu, ajo ka vazhduar të shpik çdo muaj të paktën nga një kontratë, të cilat mbyllen në pak ditë pa garës për të pasuruar oligarkët e Sakos. Sigurisht edhe kjo e fundit përfiton përqindjen e saj, për rrugët që iu hap këtyre kompanive që përpijnë fondet e qytetarëve.
Këtë herë Sako ka hapur një tender për blerje inertesh për vitin 2022. Në dokumentet e këtij tenderi evidentohet se është vënë në dispozicion fondi prej 83 milionë lekësh për të gjithë vitin, në fakt fituesi do të marrë këto para vetëm, për 6 muajt që kanë mbetur. Që këtu nisin një sërë shkeljesh që ka bërë Sakon përmes këtij tenderi, ndërsa më poshtë vihet re se kompania “KEGLI-DURI SHPK” e ka marrë këtë tender pa garë. Në dokumente thuhet se për këtë projekt nuk ka treguar interes asnjë kompani tjetër dhe ligji në këtë rast kërkon pezullimin e garës. Por, Sako sikur vepron gjithmonë në këto raste, ka zgjedhur një nga kompanitë e saj që bashkëpunon gjithmonë dhe ja ka falur këtë tender. Kështu, në shkelje të plotë të konkurrencës, Sako shpalli fituese “KEGLI-DURI SHPK” me administrator Durim Babasi.
Ndërkohë një shkelje tjetër është se kjo kompani ka paraqitur ofertë sa 99% e fondit limit, duke abuzuar kështu me ligjin në mënyrë të hapur. Ndërsa më tutje evidentohet se “KEGLI-DURI SHPK” ka përfituar në çdo vit tendera nga Bashkia Durrës me të njëjtit objekt. E pra sikur duket, në këtë rast kemi të bëjmë me fitues të përcaktuar. Ndërsa vlen t’u shtuar se “KEGLI-DURI SHPK” ka përfituar tenderë pa garë pothuajse nga të gjitha bashkitë e vendit, por kryesisht Bashka Durrës, Shijak, Krujë, Tiranë dhe Kamëz, ku secili prej tyre kap vlerat mbi 20 milionë lekë.
Gjithsesi, le të përmendim këtu tenderi pa garë për blerje çakulli nga Bashkia Krujë. Kjo bashki i ka dhënë “KEGLI-DURI SHPK” 40 milionë lekë të vjetra pa zhvilluar garë sikur e kërkon ligji. Gjithashtu, para pak javësh Bashkia Krujë i ka dhënë një tjetër tender pa garë kësaj kompanie. Bëhet fjalë për tenderin me objekt “ Ndërtim muri mbajtës pranë përroit të Bardharit, rruga e Bruzëve, Nj.A.Fushë Krujë”, nga i cili “KEGLI-DURI SHPK” ka futur në xhep 38 milionë lekë.
Pavarësisht ankesave të bëra për këtë tender, Bashkia ka vazhduar me procedurat e saj dhe asnjë masë nuk është marrë nga KPPP dhe APP. Ndërsa Bashkia Durrës i ka dhënë në muajin qershor një tjetër tender me vlerë 33 milionë lekë për mirëmbajtjen e shëtitoreve në qytet. Nuk dihet se cila është lidhja e ngushtë e kompanisë “KEGLI-DURI SHPK” me këto dy bashki, por faktet tregojnë që në çdo muaj ato në bashkëpunim gjejnë rastin për të nënshkruar të tilla aferave korruptive që paguhen nga paratë e taksapaguesve shqiptarë.
Discussion about this post