Duke qenë se çdo projekt kthehet në një aferë përvetësimi të fondeve, kryetarja e Bashkisë Durrës, Emiriana Sako po shton ortakët kudo. Këtë herë ajo ka bashkëpunuar me biznesmenë të krahut të djathtë.
Pak ditë më parë Bashkia Durrës ka firmosur tenderin “Ndërtim puse duplikant, rrethim dhe pastrim të puseve ekzistuese në zonën e shërbimit të shoqërisë rajonale UK Durrës”. Për këtë tenderë janë vënë në dispozicion fondin limit 500 milionë lekë pa tvsh. Kujtojmë se Ujësjellësi është në varësi të Bashkisë Durrës dhe Sako kontrollon çdo lëvizje që ndodh në atë shoqëri.
Janë shumë para dhe kryebashkiakja është kujdesur që t’ua xhirojë kompanive të paracaktuara. Në dokumente tregohet se AKM shpk, Alba Konstruksion shpk dhe A.SH. Engineering shpk kanë paraqitur së bashku ofertën me vlerë 492 milionë lekë pa TVSH (ose rreth 600 milionë lekë me TVSH). Një ofertë e shtrenjtë, sa 99% e fondit limit! Në këtë moment, tenderi duhej të anulohej sepse nuk ka ofertë të përshtatshme.
Por, pavarësisht vlerës, Sako ka firmosur kontratën me këto tre firma që garuan me këtë ofertë të përbashkët. Në fakt garë nuk ka pasur fare, sepse edhe në kontratë theksohet që nuk ka operatorë të skualifikuar, çka do të thotë që këto firma nuk kanë pasur konkurrencë.
Këtu shtohet e një tjetër shkelje, mbyllja e tenderit në mungesë të konkurrencës.
Ndërkohë, po të shohim në duart e kujt kanë vajtur ky fond, del që afera është edhe më e madhe.
Kompania “A.K.M shpk’ ka si pronarë Mihal Shkëmbin, firma “A. SH Engineering shpk” drejtohet nga Arjan Shtëmbari, ndërsa Alba Konstruksion shpk është në pronësi të Xhavit Ismailit.
Pikërisht ky i fundit mund të ketë siguruar njohjet për të përfituar tenderin, sepse ai është vëllai i Fiqiri Ismailit, ish-kryetarit demokrat të Bashkisë Vorë, i cili qëndroi në atë detyrë për plot 16 vjet.
Në të vërtetë, Fiqiriu është ai që qëndron pas kësaj firme që çdo herë i siguron kontrata publike me influencën e tij. Sidomos kur tenderi është në vlerë të madhe, për hir të fitimit kapërcehen “ndarjet” politike.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post