Kryebashkiak e Durrësit, Emiriana Sako, vazhdon të abuzojë me fondet e rindërtimit. Pak javë më parë Gijotina.com tregoi se si Sako kishte mbyllur ty tenderë në shkelje të ligjit, për të cilët ishin shpenzuar miliardë, të marra nga fondi i rindërtimit. Madje Sako kujdeset që të mbyll çdo tender që asaj i shkon ndër mend, pavarësisht se janë abuziv dhe shpërdorues. I tillë është tenderi e objekt “Riforcim godinat 37, 39, Lagja 13, pranë pistës Iliria, kod GIS 5934, 5933, godina 8 kate + bodrum, lagja nr.3, Rruga Egnatia, kod GIS 27258 (Programi i Rindertimit)”. Për të cilin janë vënë në dispozicion 73. 123. 154,00 lekë. Kjo është një shifër tepër e lartë vetëm për rregullimin e dëmeve në dy godina, kur shumë qytetarë të tjerë vazhdojnë të mbeten në qiell të hapur.
Por kleçka e këtij tenderi qëndron diku tjetër. Ai është renditur automatikisht në projektet me “Red Flag”, pasi është anuluar dy herë për shkak të parregullsive. Por, Sakos nuk i bën përshtypje, kërkon me doemos që të përfitojë nga ato para dhe vetëm dy ditë më parë ka hapur një tjetër garë, që nuk dihet se çfarë fati do të ketë.
2 herë i anuluar
Sikur e thamë më lart tenderi në fjalë është anuluar dy herë dhe kjo e klasifikon atë si problematik dhe që krijon hapësira për abuzime. Sipas dokumenteve të publikuara në buletinin e tenderëve, për herë të parë ky projekt është anuluar në maj të vitit 2021. Për shkak se nuk plotësoheshin kriteret ligjore dhe cenohej konkurrenca.
Ndërsa, rasti i dytë i anulimit ishte me 30 shtator 2021, po për të njëjtat arsye dhe në këtë rast vlera e fondit limit është rritur në raport me shpalljen e parë. Ndërkohë edhe tenderi i shpallur dy ditë më parë, mban vlerë të lartë dhe i parregullt. Kështu, shpresojmë që Sako të reflektojë dhe të mësojë se një tender i anuluar më shumë se dy herë përbën shkelje dhe rrezikon fondin e rindërtimit. Në mos ajo, të paktën institucionet kontrollore duhet të marrin më në konsideratë këtë tender, që Sako e kërkon me ngulm.
Discussion about this post