Kuvendi i Shqipërisë për miratimin e rezolutës kundër agresionit rus ndaj Ukrainës nisi me një gjest solidarizues nga deputetet e pranishëm.
Parlamenti është veshur me ngjyrat e flamurit ukrainas, ndërsa deputetët e pranishëm në sallë janë ngritur në këmbë dhe kanë duartrokitur për përkrahje ndaj Ukrainës, e cila është në ditën e 12 të saj përballë sulmit të Vladimir Putin.
I pranishëm në këtë seancë plenare është edhe ambasadori i Ukrainës në Tiranë, i cili është përlotur gjatë duartrokitjes së deputetëve.
Në ditën e 12 të luftës bombardimet ruse vazhdojnë të bllokojnë evakuimin e civilëve nga qytetet e rrethuara në Ukrainë.Sulmet do të vazhdojnë pavarësisht një propozimi nga Rusia për krijimin e rrugëve të sigurta. Por Ukraina e quajti “të pamoralshëm” këtë propozim pasi rrugët do t’i shpinin qytetarët drejt Rusisë apo aleates së saj, Bjellorusisë. Dy përpjekje për armëpushim në Mariupol dështuan gjatë fundjavës, ndërsa njerëzve po iu mbaron ushqimi.
Discussion about this post