Ylli egjiptian shkëlqeu në ndeshjen kundër Brighton dhe u duartrokit nga tifozët e Liverpoolit.
Mohamed Salah u shfaq veçanërisht i emocionuar në fund të përballjes së Liverpoolit me Brighton në Anfield. Egjiptiani u rikthye në skuadrën e “Reds” pas mungesës së tij në ndeshjen kundër Interit, duke hyrë si zëvendësues në minutën e 26-të pas dëmtimit të Joe Gomez. Prania e tij në ndeshje ishte mbresëlënëse, me Salah që shkëlqeu për ekipin e tij, duke krijuar disa raste, ndërsa pati një kontribut vendimtar në 2-0, duke ia servirur golin Ekitit.
Paraqitja e tij para turmës së Liverpool-it erdhi disa ditë pas deklaratës që kishin ndezur shumë debate e analiza të cilat u lidhën edhe me largimin e mundshëm të tij nga ekipi, kjo pas mardhënies së luhatshme me trajnerin holandez Arne Slot.
Pas fërshëllimës së fundit të arbitrit, Salah ishte i fundit që doli nga fusha, duke duartrokitur tifozët, të cilët iu përgjigjën duke brohoritur emrin e tij. Ai tregoi zemrën e tij dhe preku stemën e Liverpoolit, duke shprehur mirënjohjen e tij për fansat.
Pamjet televizive e kapën atë dukshëm të emocionuar, me lot në sy, gjë që shkaktoi skenarë të rinj në mediat sociale në lidhje me të ardhmen e tij, pak para nisjes së tij për Kupën e Kombeve të Afrikës.
gijotina.com/
Discussion about this post