Kryebashkiaku i New Yorkut Eric Adams i ka uruar komunitetit shqiptar të metropolit amerikan 110-vjetorin e Pavarësisë. Teksa iu drejtua podiumit, ai bëri shqiponjën me duar në shenjë urimi, duke shprehur mirënjohje për vlerat e bashkatdhetarëve tanë dhe i bëri thirrje që të ruajnë kulturën.
Eric Adams: S’mund të jesh këtu për një festë flamuri pa ngritur flamurin tonë. Ju e dini, djali im është në Shqipëri tani duke performuar dhe treguar talentin e tij. Ai po më tregon që unë nuk jam i talentuari i vetëm. Çfarë komuniteti dhe ky komunitet do të thotë shumë për mua. Mbështetja juaj, fokusi, disiplina, pronarë biznesesh të vogla. Ju besoni te siguria publike. Ju besoni te familja. Ju besoni tek edukimi dhe besoni te patriotizmi i përqafimit të vendit tuaj adoptues ndërsa doni atdheun tuaj, Shqipërinë. I vetmi shtet në botë që ju themi të ruani kulturën tuaj teksa vini këtu dhe e pasuroni me përvojën amerikane.
Adams mori si dhuratë nga komuniteti shqiptar një portret të Heroit Kombëtar, Gjergj Kastriot Skënderbeut dhe një fotografi të Nënë Terezës. Më pas nisi ceremonia e ngritjes së flamurit shqiptar përkrah atij amerikan ndërsa luhej edhe himni kombëtar.
Discussion about this post