Dy të rinj kanë përfunduar në pranga sot nga policia e Sarandës. Uniformat blu nëpërmjet një njoftimi për shtyp bëjnë me dije se janë arrestuar në flagrancë 31-vjeçari Ejron Prifti dhe 33-vjeçari Geart Çoçka që posedonin dhe shpërndanin lëndët narkotike. Njëri prej të arrestuarve, sipas uniformave blu ishte i dënuar edhe më herët për të njëjtën veprimtari kriminale.
Gjithashtu, është sekuestruar lënda narkotike kanabis e ndarë me doza dhe 2 automjete luksoze. Sakaq, materialet në ngarkim të tyre i kaluan Prokurorisë së Rrethit Gjyqësor Sarandë, për veprën penale “Prodhimi dhe shitja e narkotikëve” e kryer në bashkëpunim.
