Një tjetër krim në familje ka tronditur Divjakën pak minuta më parë. Bëhet me dije se ngjarja ka ndodhur në fshatin Babunjë, ku bashkëshorti Hekuran Rrasa 58 vjeç, ka vrarë me armë gjahu në banesë bashkëshorten e tij, Fëllënxe Rrasa 45 vjeçe dhe më pas ka vrarë veten.
Mësohet se krimi ka ndodhur në banesë, ndërsa nga të dhënat paraprake dyshohet se shkak ka qenë një konflikt i çastit.
Në vendngjarje është gjetur dhe sekuestruar në cilësinë e provës materiale arma e gjahut.
Grupi hetimor nën drejtimin e Prokurorisë së Rrethit Gjyqësor Lushnjë vijon punën për sqarimin e plotë të rrethanave të ngjarjes.
Theksojmë se jo më pak se një javë më parë një rast i ngjashëm i krimit të familjes u shënua në Fier ku Elton Metaj vrau me armë zjarri ish bashkëshorten Sabrina Begaj në shtëpinë e prindërve të saj, në prani të familjarëve. 23-vjeçarja kishte urdhër mbrojtje, ndërsa autori ishte i dënuar, por me një raport mjekësor që dëshmon se ka probleme mendore ai u lirua nga burgu. Babi i viktimës ka kërkuar dënim maksimal me varje të autorit, por akuza ka hedhur edhe ndaj gjykatësit që e liroi nga burgu Elton Metajn.
