Gazetari Artan Hoxha përmes rrjeteve sociale shprehet se politikanë shqiptarë dhe funksionarë shtetërorë kanë rënë në rrjetën e autoriteteve belge, pas zbërthimit të aplikacionit “SKY”.
Hoxha pohon se është marrë në pyetje nga policia gjyqësore federale e Belgjikës, ndërsa shkruan se nga përdorimi i aplikacionit SKY, kanë dalë shumë emra politikanësh si dhe funksionarësh shtetëror.
Postimi i Hoxhës
Rikthim pas më shume 14 muajsh në zyrat qendrore të Policisë Gjyqësore Federale të Belgjikës…
Këta shejtanër mbajnë shënim çdo gjë dhe kanë memorie të fortë…
E kishin regjistruar, që 3 vite më pare, pata denoncuar në median britanike Daily Express, se narkotrafikantët dhe krimi i organizuar shqiptar, për te shmangur gjurmimin e agjencive të ligjit, po përdornin si mjet komunikimi, rrjetin e kriptuar SkyeÇ.
I kanë mbushur arkivat me komunikimet e krimit te organizuar shqiptar në rrjetin e kriptuar SkyeCC aq plot, sa tani nuk po ja dalin as t’i selektojnë.
Gjithsesi, më pritën mirë… Por se ç’u tha dhe se ç’u be aty brenda, as mbaj mend gjë, as mbajta shënim gjë….
Rëndësi ka që këta federalët e Belgjikës, u janë qepur keq këtyre tanëve, sepse e kanë kthyer portin e Anverses si porti i Durrësit…
Lëre pastaj plotë “Xhevahire” që janë kapur “pa dashje” për funksionaret shtetëror dhe politikanët e Shqipërisë… Gjithsesi, më mirë do të bëhet.
Discussion about this post