Policia e vendit ka nisur aksionin për të vënë në pranga të gjithë personat që kanë djegur sipërfaqe toke dhe kanë shkaktuar dëme të konsiderueshme. Kështu, në pranga ka rënë:
-Fier: Arben Muskaj dhe Zarif Muskaj janë dy kushërinjt e arrestuar, pasi akuzohen për shkatërrim të pronës me zjarr e kryer në bashkëpunim. Këta dy persona, dyshohet se në bashkëpunim me njëri tjetrin i vunë zjarrin pyllit të fshatit Gjorgoz si dhe pyllit në fshatin Kreshpan. Në datë 06.08.2021, në bashkëpunim me njëri-tjetrin, i kanë vënë zjarrin pyllit të fshatit Gjorgoz, Fier, ku është djegur një sipërfaqe prej 4 hektarë me shkurre e pisha.
-Durrës: Artur Beqiri është arrestuar pasi dyshohet se ka vendosur zjarr një sipërfaqe toke duke djegur bimësi të egër kallamishte. Beqiri akuzohet për veprën penale “Shkatërrim i pronës me zjarr”.
-Belsh: Arrestohet në flagracë shtetasi Nexhip Hortja, për veprën penale “Shkatërrimi i pronës me zjarr”.
-Librazhd: shpallet në kërkim policor Riza Duka, për veprën penale “Shkatërrimi me zjarr i pyjeve dhe i mjedisit pyjor”.
EMRAT/ Zjarrvënie të qëllimshme, arrestohen 2 persona në Librazhd dhe Belsh. Dy persona janë arrestuar ditën e sotme në vendin tonë për zjarrvenie të qëllimshme. Personat e arrestuar janë nga Librazhdi dhe nga Belshi, të cilët i kanë vendosur flakën mbeturinave dhe sipërfaqeve tokësore, por për shkak të erës flaka është përhapur duke marrë përmasa të mëdha. Personat e arrestuar janë 26-vjeçari Nexhip Hortja nga Belshi dhe 52-vjeçari Riza Duka nga Librazhdi.
Njoftimi i Policisë:Drejtoria Vendore e Policisë Elbasan/ Në vijim të punës hetimore për zbulimin dhe vënien para përgjegjësisë ligjore të autorëve të zjarrvënieve të qëllimshme apo nga pakujdesia, specialistët për Hetimin e Krimeve në Stacionin e Policisë Belsh, arrestuan në flagrancë shtetasin: Nexhip Hortja, 26 vjeç, banues në fshatin Dragot, Belsh. Ky shtetas dyshohet se në fshatin Dëshiran, Belsh, duke djegur disa mbeturina në pronën e tij, zjarri i ka dalë jashtë kontrollit dhe për pasojë janë djegur 450 rrënjë ullinj në pronësi të shtetasve Q.B., dhe M.Q.,Specilaistët për Hetimin e Krimit në Komisariatin e Policisë Librazhd, bënë të mundur identifikimin dhe shpalljen në kërkim për veprën penale “Shkatërrimi me zjarr i pyjeve dhe i mjedisit pyjor”, shtetasin Riza Duka, 52 vjeç, banues në fshatin Xhyrë, Librazhd, pasi ky shtetas dyshohet se është autori i zjarrvënies në vëndin e quajtur “Krepat e Xhakës”, ku si pasojë është djegur një sipërfaqe toke me bimësi të ndryshme. Materialet i kaluan Prokurorisë Pranë Gjykatës së Shkallës së Parë Elbasan për veprime të mëtejshme. Drejtoria Vendore e Policisë Elbasan apelon për të gjithë banorët, që në asnjë rast mos shkaktojnë zjarrvënie pasi do përballen me ligjin. Policia fton qytetarët që të denoncojnë në numrin 112 dhe Komisariatin Dixhital për çdo rast të zjarrvënies apo të paligjshmërisë në tërësi duke ju garantuar anonimatin dhe reagim të shpejtë e të paanshëm nga strukturat policore
