Aksion blic është zhvilluar nga policia në qytetin e Sarandës. Katër persona kanë rënë në pranga dhe një tjetër është shpallur në kërkim të akuzuar për trafikim dhe kultivim të lëndëve narkotike.
Policia bën me dije se të arrestuarit janë, Dashnor Alushaj (i njohur me ermin Papi), Gramoz Breshanaj, 34 vjeç, banues në fshatin Vrinë, Sarandë, Ermir Indrisllari, 30 vjeç dhe Esmeraldo Alushaj, 19 vjeç, banues në fshatin Vrinë, Sarandë.
Ndërkaq në kuadër të operacionit të koduar “Five”, është shpallur në kërkim personi i identifikuar me iniciale A.A. 30 vjeç në fshatin Vrinë, Sarandë.
Këta persona dyshohen se kanë bashkëpunuar me njëri-tjetrin, kanë kultivuar bimë narkotike të dyshuara cannabis sativa në territorin e fshatit Vrinë, bashkia Konispol, Sarandë, të cilat u asgjësuan me djegie gjatë operacionit policor. / A.L Gijotina. com /
