Policia greke ka shkatërruar një organizate kriminale, anëtarët e së cilës vendosnin gjoba nëpër lokale, kryenin shpërthime, zjarrvënie, dëmtime trupore, falsifikime, vjedhje e trafik droge. Anëtarët e saj ishin aktivë në zona të ndryshme të Athinës, duke u siguruar “mbrojtje” lokaleve dhe duke zhvatur shuma të ndryshme parash nga pronarët e tyre në baza javore apo mujore.
Gjithashtu, u konstatua se anëtarët e organizatës kriminale ishte përvec sigurisë së lokaleve edhe ndërhyrja në çdo incident që mund të ndodhte mes klientëve, por dhe ndërmjetësimi në zgjidhjen e mosmarrëveshjeve personale ose të tjera ndërmjet personave me anë të kërcënimit ose përdorimit të dhunës në emër të “Shefit” të tyre.
ër të zbërthyer organizatën kriminale, në orët e mëngjesit të datës 14 korrik 2024 u krye një operacion i koordinuar policor, gjatë të cilit u arrestuan 17 persona, nga të cilët 3 tashmë janë të paraburgosur.
Nga hetimet e deritanishme të Prokurorisë, janë zbardhur 78 gjobvënie ndaj lokaleve, 5 zjarrvënie, nga të cilat 1 në një automjet, 1 shpërthim në karburant dhe 1 në një shtëpi si dhe 1 rast lëndimi trupor, ndërsa gjatë hetimeve të kryera ndër të tjera u gjet arsenal armësh, sasi lënde narkotike dhe shuma të mëdha parash.
Ajo që vihet re në mënyrë alarmante si karakteristikë e tyre e veçantë është pjesëmarrja rast pas rasti e anëtarëve të organizatës kriminale në incidente mes tifozëve të një ekipi futbolli, si ato që ndodhën të shtunën e kaluar jashtë stadiumit në “Leoforos Aleksandras”, qoftë në këmbim të disa përfitimeve, ose për sovranitetin, ose për t’u shkaktuar “dëm” anëtarëve të një organizate tjetër kriminale, e cila mori pjesë në incidentet specifike të grupit.
Sipas policisë greke, bazuar në të gjithë sferën e veprimtarisë kriminale të kësaj organizate, bëhet e qartë se anëtarët e saj në mënyrë konsekuente dhe me vendosmëri synonin të zëvendësonin rolin shoqëror dhe detyrat zyrtare të Policisë greke, me një synim dhe qëllim të dukshëm, që palët e vëna nën shantazh t’i referoheshin organizatës kriminale “për zgjidhjen e çdo çështjeje” dhe jo policisë greke.
Policia greke, mes 17 personave, ka vënë në pranga edhe shtetasin shqiptar Xhorxhi Gjoka 43 vjec, ndërsa u ka komunikuar urdhër arrestin në burg shqiptarëve Evis Shyti 40 vjec, Geni Cato 37 vjec nga Përmeti dhe Marsel Stafaj 36 vjec nga Tirana. Shyti dhe Cato rezultojnë të arrestuar në prill të këtij viti si autorë të vendosjes së një sasie eksplozivi në rrugën “Skylitsi” në Pire në 8 mars të këtij viti. Prej arrestimit, Shyti ndodhet i paraburgosur në Trikalla ndërsa Cato në Nafplio. Ndërkohë Marsel Stafaj, i njohur si “Majk” rezulton i arrestuar në maj të këtij viti pas kapjes së një ngarkese prej 210 kg kokainë të ardhur nga Panamaja në Pire. Bashkë me të atëherë u arrestuan edhe dy shqiptarë të tjerë.
gijotina.com/
Discussion about this post