Emrat/ Dy 20-vjeçarët aksidentohen me makinë në Tropojë, humb jetën njëri prej tyre

Një aksident tragjik ka ndodhur gjatë orëve të para të mëngjesit në Tropojë.

Burime bëjnë me dije se rreth orës 3  të mëngjesit në komunën Margegaj, në periferi të Bajram Currit , ka ndodhur një aksident ku janë përfshirë dy të rinj 20-vjeçarë.

Ngjarja e rëndë ndodhi në aksin rrugor Bajram Curri-Valbonë, ku drejtuesi i mjetit, 20 vjeç, humbi kontrollin e mjetit dhe u përplas me bordurën anësore të rrugës.

Si pasojë e këtij aksidenti ka humbur jetën Erimsjan Gjoçaj dhe është plagosur rëndë miku i tij Bjon Sokolaj, i cili është transportuar me urgjencë te spitali i Traumës.

Ka dyshime se shkak për aksidentin është bërë mungesa e sinjalistikës por edhe e ngadalësuesve të shpejtësisë pasi edhe më parë në të njëjtin vend kanë ndodhur aksidente tragjike.