Bandat shqiptare në Ekuador janë fuqizuar së tepërmi gjatë kohëve të fundit, duke arritur të marrin një kontroll gjithnjë e më të gjerë në tregtinë e drogës, por tani nuk ndalen më aq. Mediat e huaja po shkruajnë për fuqizimin gjithnjë e më të madh të tyre, ku sipas tyre kanë arritur të shtrijnë tentakulat edhe në politikën e vendit të Amerikës Latine dhe emërojnë “të besuarit” në postet qeveritare.
Media ekuadoriane “La Posta” prezantoi një raport policor që do të lidhte shtetasin Rubén Chérrez me strukturën kriminale të njohur si ‘mafia shqiptare’, një organizatë kriminale ndërkombëtare e lidhur me trafikun e drogës. Në një skemë të publikuar nga gazetari Christian Zurita paraqitet një skemë e qartë e lidhjeve dhe emrat e shqiptarëve të përfshirë.
Bëhet fjalë për shqiptarët: Mario Vani, Blerim Dibra dhe Erjon Spahiu, disa prej të cilëve kanë marrë edhe identitet të huaj, psh: HD Dibra; HD Barboso; HD Maximo, ndërsa liderët janë HD Gran Hermano (Vëllai i madh) Dritan Gjika dhe HD Baron, emri i këtij të fundit nuk dihet.
“Çështja “Leon de Troya” çoi në hetimin e mëparshëm 130801821050133 që nisi përgjimin dhe nga këto 3 pemë lidhjesh u vendosën: një i shqiptarëve, një tjetër i Chérrez dhe një tjetër në ngritje të gjeneralit Araus. Hetimi u mbyll,”-shkruan Zurita.
Ndërkohë që në artikullin e publikuar sot, saktësohet se raporti ka 145 faqe dhe se do t’u dërgohet autoriteteve dhe instancave të ndryshme të drejtësisë, Kuvendit Kombëtar dhe mediave ndërkombëtare për të ditur detajet e hetimit dhe ndërhyrjet në emërimin e ministrave të Ekuadorit.
Discussion about this post