Katër shqiptarë janë arrestuar në Uorkington, Britani pasi punonin në një fermë kanabisi.
Mediat e huaja raportojnë se në fermë u gjetën kanabis me vlerë 390 000 paund.
Mësohet se 4 shqiptarët janë pikasur nga policia teksa ngarkonin një fugon pasi ndien një erë të fortë kanabisi, ku pas kontrollit gjetën 120 qese plastike të zeza të mbushura me drogë.
Shoferi ishte Eneo Kamberi, 24 vjeç dhe pasagjerët e tij ishin 28-vjeçari Eriton Qato dhe Esat Qama, 25 vjeç, të cilët fillimisht dhanë një emër të rremë.
Shqiptari i katërt që u arrestua në fermën e kanabisit ishte Eduart Rrampushaj, 37 vjeç.
Në total u gjetën 246 bimë kanabis. Një ekspert droge vlerësoi se nëse do dilte në treg kapte vlerën prej 39 kg dhe vlerësohej deri në 390 000 paund.
Discussion about this post