Dalin të tjera detaje nga dhunimi i një efektivi të Policisë së Shtetit në Dibër. Mësohet se punonjësi i policisë, Mehdi Krosi ka qenë në shërbim me uniformë në lagjen “Karmen” të Dibrës, ku dy persona i kanë bërë pritë dhe e kanë dhunuar me sende të forta.
Bëhet me dije, se dy personat që e sulmuan janë shtetasit Defrim dhe Sakip Salkurti. Efekti që ra pre e dhunës është goditur teksa po futej në banesën e tij.
Dy personat mësohet se kanë qenë komshinj me punonjësin e policisë. Nga burimet konfidenciale mësohet se ata kanë pasur konflikte të mëparshme por motivi mbetet i paqartë.
Banorët e zonës e ndihmuan efektivin të mbërrijë në urgjencën e spitalit të Peshkopisë.
Pasi ka marrë ndihmën e duhur mjekësore ai është larguar.
Pas 20 minutash kolegët e tij kanë mbërritur në vendngjarje. Grupi hetimor po punon për zbardhjen e ngjarjes.
Discussion about this post