Policia ka arrestuar tre persona, të cilët dyshohen si autorë të vjedhjes së disa shumave parash dhe 1 arme gjahu tek një banesë tre ditë më parë në Lezhë.
Në kuadër të operacionit “Telefonata” janë vënë në pranga shtetasit Keviljano Ndoj, 22 vjeç, banues në Mirditë (me precedent penal), Andi Sanço, 21 vjeç, banues në Korçë dhe Lorenc Lleshi, 22 vjeç, banues në Tiranë. Ky i fundit raportohet se është kapur në pikën kufitare të Muriqanit në tentativë për t’u arratisur jashtë vendit.
“Nga hetimet dyshohet se 3 shtetasit janë implikuar në vjedhjen me dhunë të 1500 dollarëve, 880 eurove, 50 000 lekëve dhe 1 arme gjahu, në banesën e një 66-vjeçari, në fshatin Gajush, kryer në orët e para të mëngjesit të datës 28 Prillit.” – thuhet në njoftimin e Policisë.
Uniformat blu kanë sekuestruar 5 celularë, si dhe 2 automjete të përdorura gjatë vjedhjes. Gjithashtu, në vijim të operacionit, është proceduar në gjendje të lirë edhe babai i shtetasit Keviljano Ndoj, shtetasin Gj. Ndoj, 50 vjeç, për veprën penale “Përkrahja e autorit të krimit”.
Materialet procedurale i janë referuan Prokurorisë së Lezhës, për veprime të mëtejshme
Discussion about this post