Policia e Durrësit ka arrestuar një të ri nga Shijaku dhe ka shpallur në kërkim babain e tij, pasi mbanin në banesën e tyre në Maminas, armë zjarri pa leje.
Në kuadër të operacionit të koduar “Double” është vënë në pranga shtetasi Saimir Sefaj, 30 vjeç, ndërsa është shpallur në kërkim babai i tij, shtetasi Shefqet Sefaj, 54 vjeç dhe thuhet se po punohet për kapjen e tij.
Autoritetet policore raportojnë se nga kontrollet e ushtruara nga uniformat blu në banesën e tyre në Maminas, janë gjetur dy armë zjarri (kallashnikov dhe pistoletë), 4 karikatorë dhe 157 fishekë luftarak, të cilat janë sekuestruar.
Materialet procedurale i janë referuar Prokurorisë së Durrësit, për veprime të mëtejshme.
Discussion about this post