Një mënyrë të veçantë kanë zgjedhur kësaj rradhe trafikantët për të transportuar një sasi të madhe droge nga Shqipëria drejt Greqisë.
Operacioni është zhvilluar nga policia e Selanikut në zonën e Diavaton, në një parking furgonësh. Policia greke ka ushtruar kontroll në një automjet, ku brenda tij ka gjetur 4 bidona plastikë që përmbanin 20 pako me 20.5 kg marijuanë, ndërsa në një furgon ka gjetur dhe sekuestruar 7 bidona plastikë që përmbanin 32 pako me 33.5 kg marijuanë.
Mësohet se një pjesë e drogës është sekuestruar në kamionin tip “Scania” me targa shqiptare. Shqiptari Fatmir Alizoti, 49 vjeçar ishte drejtuesi i automjetit, ndërsa Oltion Ranxha, 58 vjeç, ishte personi që priste drogën.
Policia greke ushtroi kontroll në banesën e 49 vjeçarit në zonën e Sikeon, ku u gjetën dhe sekuestruan rreth 259 gram kokainë, 2350 euro, 8 celularë, 1 motocikletë, 143 gram lëndë e papërcaktuar ende, 3 peshore elektronike dhe 15 paketime farmaceutike etj.
Nga hetimet rezulton se 58 vjeçari kishte rolin e trafikimit të drogës nga Shqipëria më Greqi, ndërsa 49 vjeçari kishte rolin e marrësit, magazinimit dhe shpërndarjes së drogës në Greqi.
Nga verifikimi rezulton se 58 vjeçari shqiptar rezulton person në kërkim në Greqi, i dënuar me 5 vjet burg dhe 10 mijë euro gjobë për çështje droge.
Prej fillimit te vitit policia greke ka sekuestruar rreth 1.4 ton marijuanë që dyshohet se vinte nga Shqipëria.
Discussion about this post