EMRAT/Konflikt mes dy të rinjve në lokal, plagoset me armë 33-vjeçari

Një konflikt mes dy personave është shoqëruar me të shtëna me armë zjarri në Kurbin dhe plagosjen e njërit prej tyre.

Ngjarja ka ndodhur në orët e vona të mbrëmjes të së premtes në fshatin Mali i Bardhë të Kurbinit.

Mësohet se Admir Lika, 30 vjec ka qëlluar me armë zjarri duke plagosur bashkëfshatarin e tij, 33-vjeçarin Fatjon Lika.

Autori është futur në lokal të fshatit, duke qëlluar me pistoletë 33-vjeçarin.

I plagosuri është dërguar në spitalin e Traumës në Tiranë.

Policia bënë me dije se autori, Admir Shqypi dhe dy persona të tjerë janë shpallur në kërkim.

Deri më tani nuk dihen rrethanat se për çfarë janë zënë dy të rinjtë.

Policia e Kurbinit njoftoi paraprakisht mbi ngjarjen.

“Në Malbardhë, në një lokal dyshohet se  si pasojë e një konflikti të nisur më parë shtetasi  A. Sh. ka qëlluar një herë me armë zjarri pistoletë duke plagosur shtetasin F. L, me të cilin kishte konflikt.

Shtetasi F. L, është transportuar menjëherë në spital për ndihmë mjekësore dhe paraprakisht ndodhet jashtë rrezikut për jetën.

Shërbimet e Policisë Kurbin, të DVP Lezhë dhe Forcat Kombëtare të Sigurisë vijojnë kontrollet për kapjen e autorit dhe të dy shtetasve të tjerë E. L dhe P. L., të përfshirë në konflikt.

Grupi hetimor nën drejtimin e Prokurorit vijon punën për zbardhjen e rrethanave dhe dokumentimin e plotë ligjor të këtij rasti”, thuhet në njoftim.