Tre shqiptarë po përballen me drejtësinë në Mbretërinë e Bashkuar, pasi dyshohet si të përfshirë në një operacion të kultivimit të kanabisit me vlerë prej 1.5 mln funtesh. Tre burra janë në gjyq të akuzuar si pjesë e një komploti për të prodhuar drogën e klasës B në Oxfordshire dhe Essex.
Dritan Meta, 43 vjeç, Refik Skepi, 45 vjeç dhe Visar Elazaj, 38 vjeç, akuzohen për komplot për prodhimin e një droge të kontrolluar, në periudhën nga 1 qershori 2021 deri më 18 gusht 2022.
Të gjithë e mohojnë akuzën.
Schutzer-Weissman tha se prokuroria nuk kishte nevojë të provonte se secili i pandehur luajti një rol aktiv në secilën prej hapësirave ku kultivohej kanabisi.
“Fermat” e kanabisit për të cilat akuzohen shqiptarët u zbuluan rastësisht kur një kompani energjetike shkoi për të mbledhur një faturë të papaguar të energjisë elektrike në një shtëpi në Oksford.
Tre adresa të veçanta u identifikuan si fabrika kanabisi, dy prona banimi në Oksford, dhe një njësi e madhe industriale në South Fambridge, Essex, e quajtur Ferma e Shellfish. “SSE donte të ndërpriste energjinë elektrike”, shpjegoi Schutzer-Weissman.
Një përfaqësues nga kompania e energjisë elektrike mori pjesë në pronë dhe “pa bimë kanabisi kudo”, tha prokuroria.
Discussion about this post