Rastet e artistëve shqiptare që kanë përfunduar në burg pasi janë konsideruar si të implikuar në organizatat kriminale në Itali kanë qenë të shumta. Ditën e sotme, këngëtarja Elsa Lila është arrestuar nga autoritetet italiane si pjesë e një grupi që trafikonte drogë. Gazeta italiane La Republica raporton se në operacionin e policisë së Romës janë arrestuar dhe 13 persona të tjerë, përfshirë dhe boksieri Petrit Bardhi, i njohur si “Titty”.
Por, ku nuk është rasti i vetëm, pasi disa ditë më parë ishte këngëtari Arian Begaj që u arrestua pasi u kap me lëndë narkotike në shtëpi ku iu gjetën 50 gram kokainë dhe 9 mijë euro.
Më herët, dhe çfarë ka bërë më shumë bujë ka qenë arrestimi i këngëtares së famshme Liljana Kondakçi e arrestuar për trafik droge. Ajo u arrestua në vitin 2010 në Selanik, pas një urdhër-arresti ndërkombëtar dhe më pas u ekstradua drejt Italisë. Asokohe, ajo ishte shpallur person në kërkim ndërkombëtar si anëtare e një prej bandave të trafikut të drogës në Itali ku njihej me nofkën “La mama”. Më herët këngëtarja ishte arrestuar në Itali pasi u kap në një stacion treni me 3 kg kokainë në çantën e saj, për të cilën deklaroi se nuk ishte në dijeni dhe se ia kishte dhuruar një fans. Duhet thënë që Liljana Kondakçi ka mohuar gjithmonë akuzat e implikimit dhe ka deklaruar se atë e kanë futur në kurth. Megjithatë artistja e njohur kreu dënimin për trafik kokaine 2 vite e 8 muaj burg në Itali dhe u lirua në janar të 2013-ës.
I arrestuar për trafik droge ka qenë dhe artisti i njohur Koço Devole. Në Itali më 9 nëntor 2003, pasi në bagazhet e makinës i janë gjendur 5 kilogramë kokainë. Ai vuajti dënimin me 8 muaj heqje lirie në burgun e Rimini-it dhe u liruar në qershor të atij viti, pasi u shpall i pafajshëm.
Discussion about this post