Plagosi me mjet prerës thikë, për motive të dobëta, shtetasit Edmond Sulo dhe Spiro Llambri, në ndjekje nga Policia autori i dyshuar shtetasi Fatmir Jashari. Punohet për kapjen e tij.
Fatmir Jashari i njohur me pseudonimin “Radari” është me profesion peshkatar. Ai është arrestuar më parë në vitin 2000 në Korfuz nën drejtimin e një skafi, me të cilin kryente trafik droge, ngjarje për të cilën u dënua 2 vjet burg.
Po ashtu, është arrestuar në vitin 2009 nga Policia e Gjirokastrës me një sasi prej 50 kg marijuanë, por u lirua pas disa muajsh. Është arrestuar në vitin 2013 në Soronë, Bashkia Konispol me 240 kg marijuanë.
Gjatë kontrollit të banesës së Fatmir Jasharit në 2009, u gjetën 3 armë zjarri automatike tip kallashnikov, 2 kilogramë tritol, 680 kapsolla detonatore, ku 50 copë ishin të montuara me fije teli, 50 metra fitil ndezës, 1500 fishekë model 56 (automatiku) dhe 6 krehëra automatiku me fishekë.
Discussion about this post