Dy persona janë arrestuar pasi kanë privuar nga liria një të mitur 14 vjeç.
Sipas policisë, të arrestuarit kanë marrë me forcë të miturin dhe e kanë mbajtur në automjet.
Shkak për këtë dyshohet që i mituri ka pasur me djalin e njërit prej të arrestuarve.
Policia dhe grupi hetimor ka nisur punën për zbardhjen e ngjarjes.
Njoftimi i policisë
Morën me forcë një 14-vjeçar dhe i hoqën lirinë duke e mbajtur në automjet, falë reagimit të menjëhershëm të shërbimeve të Komisariatit të Policisë Nr. 1, identifikohen, kapen dhe vihen në pranga 2 autorët e dyshuar.
Shërbimet e Komisariatit të Policisë Nr. 1, pas njoftimit se 2 shtetas kishin marrë me forcë, në automjet, një shtetas të mitur, kanë organizuar menjëherë punën për kapjen dhe vënien e autorëve të dyshuar përpara përgjegjësisë ligjore. Si rezultat i veprimeve të shpejta dhe profesionale të specialistëve për Hetimin e Krimeve të Komisariatit të Policisë Nr. 1, janë identifikuar, kapur dhe vënë në pranga autorët e dyshuar, shtetasit:
Çlirim Sina, 50 vjeç, banues në Tiranë dhe Aleksandër Sina., 36 vjeç, banues në Përrenjas.
Nga veprimet hetimore dyshohet se këta 2 shtetas kanë marrë me forcë, në automjetin e tyre, një shtetas të mitur 14 vjeç, dhe i kanë hequr lirinë atij, duke e mbajtur në automjet, për shkak të një konflikti që 14-vjeçari ka patur me djalin e shtetasit Ç. S.
Discussion about this post