Enea Babasi 26 vjeç dhe Indrit Ndoj 33 vjeç, banues në Fushë Krujë janë vënë në pranga pasi akuzohen për veprën penale “Ndihma për kalim të paligjshëm të kufijve”, e kryer në bashkëpunim.
Sipas njoftimit të policisë, të dy janë kapur kapur në kushtet e flagrancës nga shërbimet e Policisë, në Skuraj, Kurbin, duke transportuar me automjetet e tyre “ Volvo ” dhe “Ford”, 19 emigrantë të paligjshëm, të cilëve iu kishin premtuar kalimin drejt vendeve të BE-së, kundrejt pagesës.
Policia njofton se kishte shtuar kontrollet në këtë aks, pasi ishin spikatura edhe raste të tjera për kalim klandestinësh kundrejt një pagese. Ndërkaq, bëhet me dije se, materialet i kaluan Prokurorisë pranë Gjykatës së Shkallës së Parë Kurbin, për veprime të mëtejshme procedurale, për veprën penale “Ndihma për kalim të paligjshëm të kufijve”, e kryer në bashkëpunim.
E.H/ gijotina. com/
