Detaje të reja kanë dalë nga operacioni i policisë së Tiranës nga i cili ranë në pranga 7 persona pasi akuzohen për kultivim kanabisi.
Në dosjen hetimore të siguruar për Gijotina.com thuhet se Prokuroria e Rrethit Gjyqesor Tirane ka kryer hetime me metodat speciale te hetimit duke arritur të sekuestrojë armë dhe lëndë narkotike.
Konkretisht janë sekuestruar: 4 armë zjarri, 1 armë gjuetie, 11 telefona celularë, municione dhe janë asgjësuar 120 rrënjë kanabis sativa.
Gazetarja Klodiana Lala mëson se organizatori Lulzim Cullaj, ka një biznes të lendeve drusore në Sauk. Po ashtu njëri nga autorët ka pranuar bashkëpunimin.
Ndërkohë personat e arrestuar në kuadër të këtij operacioni janë:
- Lulzim Cullhaj, 55 vjeç
- Dashamir Hasanaj, 34 vjeç
- Erdit Muca, 21 vjeç
- Alfred Muca, 31 vjeç
- •Kadri Gjoshi, 32 vjeç
- Gert Gjoshi, 36 vjeç
- •Xhemal Hidri, 32 vjeç
Nga hetimet e kryera rezultoi se këta shtetas dyshohet të jenë edhe autorë të tentativës për kultivim po në këtë fshat në vitin 2020 ndërkohë që ky operacion u finalizuar pas 4 muajsh hetime.
