EMRAT/ Plagosja në Lezhë, Policia identifikon autorin dhe të plagosurin. Detajet e reja…

Zbardhen të tjera detaje të reja nga plagosja e ditës së sotme në Lezhë. Ngjarja ndodhi në afërsi të shinave të trenit.

Zbulohet edhe identiteti i personit të plagosur dhe i autorit të krimit në Lezhë.

Sipas Policisë, në afërsi të shinave të trenit, gjatë një konflikti të çastit që dyshohet për parkimin e automjeteve, shtetasi Marjan Kola, banues në Kurbin, ka plagosur me armë zjarri shtetasin Tonin Ndreca 35 vjeç.

Pas krimit, ai është larguar nga vendngjarja, ndërsa policia ka nisur hetimet për kapjen e tij.

Ndërkohë, i plagosuri Tonin Ndreca ndodhet në spital jashtë rrezikut për jetën.

NJOFTIMI I POLICISE

Rreth orës 11:00, në qytet Lezhë, në afërsi të shinave të trenit, gjatë një konflikti të çastit që dyshohet për parkimin e automjeteve, shtetasi Marjan Kola, banues në Kurbin, ka plagosur me armë zjarri shtetasin Tonin Ndreca 35 vjeç, banues në Laç, i cili ndodhet në spital jashtë rrezikut për jetën.

Autori i dyshuar është larguar menjëherë pas ngjarjes dhe vijon ndjekja nga ana e shërbimeve të Policisë për lokalizimin dhe kapjen e tij.

Në vendngjarje, grupi hetimor nën drejtimin e Prokurorisë, po kryen veprimet hetimore për zbardhjen e rrethanave të ngjarjes dhe dokumentimin ligjor.