Ismet Daja dhe Keidi Daja, të dy familjarë me njëri-tjetrin janë vënë në pranga pasi u është gjetur një sasi kokaine prej 1 kilogramë e 300 gramësh.
Në njoftimin zyrtar bëhet me dije se operacioni është zhvilluar nga efektivët e komisariatit të policisë numër 4 në Tiranë.
Të dy janë kapur në rrugën “Myslym Keta”, me një sasi lënde narkotike kokainë, të cilën do t’ua shisnin personave të tjerë për ndarje në doza dhe shitjen e saj në zonat e Tufinës, Kinostudios dhe Freskut.
Gjatë kontrolleve fizike, në automjet dhe në banesat e tyre, u gjetën në total 1 kg e 300 gramë lëndë narkotike kokainë, e cila u sekuestrua së bashku me automjetin dhe 2 celularët e të arrestuarve.
Discussion about this post