Gjykata e Apelit Vlorë ka caktuar masën e sigurisë “arrest me burg pa afat” për tre të arrestuarit si pjesë e grupit qeë kultivonin drogë në serat e fshatit Drenovicë në bashkinë Dimal. Bëhet fjalë për Endrit Xhekën, Blerim Xhekën dhe Hamdi Dylin, i cili rezultoi dhe pronari i serave ku ishin kultivuar bimët narkotike. Të tre akuzohen për veprat penale “prodhim dhe shitje të lëndëve narkotike” dhe “armëmbajtje pa leje”.
Për tetë të tjerët: Jurgen Ujkaj, Bashkim Mema, Sidrit Bisha, Edison Mema, Mirvaldo Disha, Samuel Lushaj dhe për nënë e bijë Drita dhe Izmira Mema, Gjykata ka caktuar masën e sigurisë “detyrim paraqitje”.
Sera në fshatin Drenovicë të Beratit u zbulua gjatë një operacioni anti-drogë më 10 nëntor. Serat ishin të ndara në 4 pjesë, secila me një sipërfaqe prej 2 dynym. Në sera punonin mbi 90 gra, të cilave u ishte thënë se do të vilnin ullinj.
Policia sekuestroi edhe 700 arka të mbushura me bimë narkotike kanabis në proces përpunimi. Kjo serë bëri që i gjithë zinxhiri komandues i policisë së Beratit të shkarkohej dhe të zëvendësohej, me urdhër të kryepolicit Muhamet Rrumbullaku.
Discussion about this post