Një sherr me thika dhe kosore mes fqinjëve është regjistruar ditën e djeshme në fshatin Goriçan të Dimalit, ku për pasojë kanë mbetur të plagosur tre persona dhe janë arrestuar dy autorët, babë e bir.
Më konkretisht në pranga janë vënë shtetasit Bastri Xhalili, 65 vjeç (i dënuar më parë) dhe djali i tij, Emiljano Xhalili, 24 vjeç, të dy banues në fshatin Goriçan.
Sipas autoriteteve policore, dy shtetasit e mësipërm dyshohet se pasditen e djeshme, kanë shkuar me mjete prerëse (thikë dhe kosore), në banesën e shtetasit S. Xh..
Pasi janë konfliktuar, babë e bir kanë plagosur me mjet prerës (thikë dhe kosore), fqinjët e tyre, shtetasit S. Xh., 49 vjeç., J. Xh., 24 vjeç (babë e bir) dhe E. Xh., 18 vjeç, (i afërm i tyre, i cili ndodhej në banesën e shtetasit S. Xh, kur ndodhi konflikti).
Ende nuk dihet motivi i konfliktit mes tyre, teksa tre të plagosurit ndodhen në spitalin e Beratit, ku po marrin mjekim dhe mësohet se mdodhen jashtë rrezikut për jetën.
Discussion about this post