EMRAT/ Sherr mes policëve në Tiranë, i nxjerrin armën njëri-tjetrit

Një konflikt mes punonjësve te policisë ka çuar në përdorimin e armëve mes tyre të hënën në mbrëmje.

Ngjarja ka ndodhur gjatë mbrëmjes në zonën e ish-bllokut pranë njësisë bashkiake nr 5.

Punonjësi i Forcave të Ndërhyrjes së Shpejtë Rigers Iljazi, së bashku me vëllanë Marjus Iljazi janë konfliktuar me shefin e operacionales në Drejtorinë e Përgjithshme të Policisë, Vladimir Laska.

Të pranishëm ne konflikt ishin edhe Blerim Qarri dhe Elton Bisi. Konflikti mes tyre ka agravuar dhe të dy palët kanë kërcënuar me armën e shërbimit.

Pas marrjes se njoftimit, ata janë çuar në komisariatin nr. 2 dhe Agjencia e Mbikëqyrjes Policore po kryen hetimin.