Një sherr masiv ka ndodhur rreth orës 01:35, në fshatin Gjashtë, Sarandë ku disa persona janë konfliktuar fizikisht duke përdorur sende të forta, mes tyre dhe punonjës policie jashtë shërbimit.
Më datë 02.01.2025, rreth orës 01:35, në fshatin Gjashtë, Sarandë, dyshohet se janë përfshirë në një konflikt për motive të dobëta, duke përdorur sende të forta, disa shtetas, ndërmjet tyre dhe punonjës policie jashtë shërbimit.
Në qendër të konfliktit mësohet se kanë qenë vëllezërit Sulejmani banues në Sarandë, të cilët janë punonjës policie dhe vëllezërit Enea e Albi Nexhipi, banues në Gjashtë.
Në Komisariatin e Policisë janë shoqëruar gjithashtu disa prej shtetasve të përfshirë në konflikt, përfshirë punonjësit e Policisë jashtë shërbimit. Vijon puna për identifikimin dhe shoqërimin e të gjithë shtetasve të tjerë të përfshirë.
Grupi hetimor dhe AMP, nën drejtimin e Prokurorisë Sarandë, po punojnë për zbardhjen dhe dokumentimin e plotë të kësaj ngjarjeje.
Discussion about this post