Policia italiane shkatërroi një organizatë kriminale ku mes tyre kishte dhe shqiptarë që merreshin me trafikimin e lëndëve narkotike si kokainë, heroinë dhe kanabis.
Këta shtetas kryenin transporte dhe furnizime të vazhdueshme në zona të ndryshme të Italisë, kryesisht në Bari.
Policia ka arrestuar 21 persona nga të cilët 16 do të vuajnë dënimin me burg dhe 5 do të jenë në arrest shtëpie.
Shqiptarët e arrestuar janë Aldo Hasa 27 vjeç dhe Ervin Hasa 35 vjeç ndërsa gjatë hetimeve u sekuestruan rreth 600 gramë heroinë dhe 300 gramë kokainë.
Së fundi, për lidhjet me mafien shqiptare, prokurori i Potenzës shpjegoi se “disa herë” është konstatuar se organizatat kriminale e sigurojnë drogën përmes partneriteteve në Shqipëri, një nga qendrat më të rëndësishme të trafikut ndërkombëtar të drogës.
Discussion about this post