Policia ka dhënë detaje në lidhje me ngjarjen e një dite më parë (25 dhjetor) në Durrës, ku një person u godit me sende të forta, ndërsa pati edhe të shtëna arme në ajër.
Në pranga ka rënë edhe një 26-vjeçar dhe është shpallur në kërkim, pasi ka goditur me sende të forta një 29-vjeçar.
Ky i fundit, po ashtu është arrestuar pasi në gjendje të dehur pa shkuar në shtëpi, ka marrë armën që kishte pa leje dhe ka qëlluar në ajër, me qëllim kanosjen e dy shtetasve të lartpërmendur. Nërsa arma iu sekuestrua në cilësinë e provës materiale.
Vijojnë hetimet për të zbardhur rrethanat e konfliktit për motive të dobëta, të ndodhur pasditen e djeshme, në lagjen nr. 15.
Njoftimi i policisë
Vihet në pranga 29-vjeçari që gjatë konfliktit, qëlloi me armë gjahu në ajër, me qëllim kanosjen. Ai u kap dhe u shoqërua nga Policia, menjëherë pas rastit.
Sekuestrohet arma e gjahut, e cila posedohej pa leje.
Vihet në pranga një 26-vjeçar dhe shpallet në kërkim kushëriri i tij, sepse gjatë konfliktit, goditën me sende të forta 29-vjeçarin.
Si rezultat i veprimeve hetimore dhe procedurale, të kryera menjëherë pas konfliktit, u arrestuan në flagrancë shtetasit Kristjan Doda, 29 vjeç dhe Pjetër Pjetri, 26 vjeç, të dy banues në Durrës. Gjithashtu, u shpall në kërkim kushëriri i shtetasit Pjetër Pjetri, shtetasi D. P., 35 vjeç, banues në Durrës.
Shtetasi Pjetër Pjetri dhe D. P., dyshohet se për motive të dobëta, kanë goditur me sende të forta, 29-vjeçarin, në lokalin që administronte shtetasi Pjetër Pjetri. Më pas dyshohet se duke qenë në gjendje të dehur, shtetasi Kristjan Doda ka shkuar në banesën e tij, ku mbante pa leje, një armë gjahu, me të cilën ka qëlluar në ajër, me qëllim kanosjen e 2 shtetasve.
Punohet për kapjen dhe ndalimin e shtetasit D. P..
Materialet procedurale i kaluan Prokurorisë së Durërsit, për veprime të mëtejshme.
Discussion about this post