Policia ka ndërmarrë disa aksione në vend, ndërsa këtë mëngjes destinacion ka qenë edhe Lushnja. Në njoftimin për shtyp uniformat blu bëjnë me dije se janë arrestuar në lagjen “Kongresi i Lushnjës” për kundërshtim të punonjësit të policisë shtetasit Sentiljan Sharka, Orjald Mema dhe Ergi Koriçi.
Gjithashtu u arrestua për armëmbajtje pa leje të armëve të ftohta shtetasi Dionis Ciko dhe për drejtim mjeti pa patent shtetasi Haris Hasanbegoviç. Sakaq, në Mallakastër u arrestuan për dhunë në familje shtetasit Mitat Islamaj dhe Feta Islamaj. Ndërsa është shpallur në kërkim për vjedhje Angjelin Nokaj.
