Pesë persona të shpallur në kërkim kanë përfunduar sot në prangat e policisë në Vlorë.
Blutë bëjnë me dije se paraditen e kësaj të marte është arrestuar i riu me emrin Shkëlzen Zykaj 18 vjeç, banues në fshatin Selenicë, i cili pritet të përballet me akuzën për veprat penale “Arrest në burg”, për veprat penale “Prodhimi dhe shitja e narkotikëve”, “Kultivimi i bimëve narkotike”, “Prodhimi dhe mbajtja pa leje e armëve luftarake dhe e municionit” dhe “Prodhimi, mbajtja, blerja apo shitja pa leje e armëve të ftohta”.
Po ashtu policia ka vënë në pranga dy personat e identifikuar me emrat Klement Domeri, 38 vjeç dhe Alment Bakullati, 30 vjeç, të dy banues në Konispol, Sarandë, të cilët pritet të vuajnë dënimin me nga 7 vite e 4 muaj burg secilin, për veprën penale “Trafikimi i lëndëve narkotikeve” kryer në bashkëpunim.
Gjatë ditës së sotme policia ka vënë në pranga edhe një 31- vjeçar të identifikuar me emrin Marius Hamiti, banues në Vlorë, i cili me vendim të Gjykatës pritet të vuajë dënimin me 6 muaj burg, për veprën penale “Vjedhja” e kryer në bashkëpunim.
Gjithashtu është bërë arrestimi në flagrancë edhe i personit të identifikuar me emrin Dhimitër Balaj 53 vjeç, banues në Himarë, pasi Gjykata e Shkallës së Parë Vlorë i ka caktuar masën e sigurisë “Arrest në burg”, për veprën penale “Shpërdorim i detyrës”.
Në pranga ka rënë edhe i riu me iniciale F. L., 37 vjeç, banues në Sarandë, për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e armëve të ftohta”, pasi gjatë kontrollit të ushtruar në automjetin e tij, u gjetën dhe u sekuestruan një sasi lënde narkotike e dyshuar kokainë, një përforcues grushti (dorezë metalike), dy mjete prerëse (thika) dhe një shkop metalik. Në përfundim të njoftimit policia thekson se ka arrestuar edhe të riun e identifikuar me iniciale K. B., 20 vjeç, banues në Orikum, i cili pritet të përballet me akuzën për veprën penale “Prodhimi dhe mbajtja pa leje e armëve të gjuetisë dhe sportive”, pasi gjatë kontrollit të ushtruar në automjetin e këtij shtetasi, u gjet dhe u sekuestrua një armë gjahu çifte, që i riu e posedonte pa leje.
