Emrat/ Vëllai vrau vëllanë dhe kunatën për pronën, policia jep detajet

Policia e Tiranës ka nxjerr detaje në lidhje me ngjarjen e rëndë që ndodhi ditën e sotme në Tiranë, ku vëllai ka vrarë të vëllanë dhe kunatën.

Sipas policisë, ngjarja ka ndodhur në rrugën “Islam Alla”, ku si pasojë e një konflikti familjar, Arsen Muskurti ka qëlluar me armë zjarri drejt vëllait të tij Dritan Muskurti, 44 vjeç, dhe bashkëshorten e tij Nora Muskurti.

Për pasojë çifti kanë mbetur të vdekur në vend, ndërsa krimi dyshohet të ketë zanafillë një sherr për një pronë të përbashkët të dy vëllezërve.

Shërbimet e Policisë kanë shkuar menjëherë në vendngjarje dhe po vijojnë kontrollin e zonës me qëllim kapjen e autorit.

Grupi hetimor nën drejtimin e Prokurorisë po punon  për sqarimin e plotë të rrethanave të ngjarjes.